Denne sida er oppretta for å legge til rette for videosamtale – via nettlesar på PC, mobil eller nettbrett – mellom helsepersonell i Helse Førde, og helsepersonell utanfor Helse Førde.
Videosamtale kan gjennomførast mellom ein vert, og ein eller fleire deltakarar – som alle må kople seg opp mot eit felles virtuelt videosamtale-møterom.
Før ein kan gå i gang med ein videosamtale, må ein difor gjere avtale om :
- kven ein ønskjer å snakke med,
- når samtalen skal finne stad, og
- kva møterom ein skal bruke for videosamtala (“kor ein skal møtast”).
Dersom du tek i bruk denne løysinga forstår vi det slik at du aksepterer Norsk Helsenett sin personvernerklæring – knytt til drift av tenesta.
Avtale om videosamtale kan ein gjere direkte med helsepersonell i Helse Førde, eller via det ambulante MEDHB-teamet som kjem på besøk. Ambulant MEDHB-team kan også bistå med å få etablert videosamtalen.
- Ved å trykke på ein av møteromsknappane under, får ein tilgang til eit elektronisk møterom – eit virtuelt møterom.
- Alle som skal delta i videosamtalen må ringe inn til/koble seg opp mot det same møterommet. Dette må avtalast på førehand.
- Det er berre helsepersonell som kan vere “vertar” for videosamtale, og styre videomøtet. Alle andre er “deltakarar”.
- Den som styrer videomøtet – “verten” er ansvarleg for å “låse rommet” når alle har kopla seg på, og før samtalen startar.
Merk:
- Det er trong for passord for å kunne vere “Vert” for ein videosamtale. Ta kontakt med oss om det er nødvendig å ordne med passord.
- Bruk av sjølve løysinga er “gratis”, men kostnadar for bruk av datanette/telenett må ein koste sjølv.
Kopl opp til møterom som “Deltakar” – for videosamtale mellom vert og ein deltakar :
2-parts videosamtale:
4 -parts møterom:
Dersom du har problem :
- Dersom du ikkje får kontakt med kamera/høgtalar eller mikrofon når videoprogramvaren blir starta, trykk på “hengelåsen” i adresselinja i nettlesar, og sjekk at Paxip (join.NHN.no) har lov til å bruke både kamera og mikrofon på din PC.