Det er viktig at planlegging av medisinsk heimetiltak t.d. i form av behandlingshjelpemiddel skjer i god tid før pasienten skal skrivast ut. Dette er beste måten å sikre at behandlinga kjem godt i gang, og at pasienten får optimal nytte av behandlinga.
Under dette punktet kjem vurdering av om noko må tilrettelegast i heimen før eit medisinsk heimebehandlingstiltak blir sett i drift.
Sentrale punkt kan vere :
- Dersom utstyret støyar (t.d. oksygenkonsentratorar), er det høve til å plassere utstyret unna opphaldsrom ?
- Korleis er føringsveiene for eventuelle slangar (t.d. oksygenslangar). Må det gjerast tiltak for å hindre at noko kjem i klem ?
- Er det trapper i huset, som kan utgjere i utfordring ved frak av utstyr eller materiell ?
- Vil pasienten berre ha ein behandlingsplass, eller kan det vere aktuelt å leggje til rette for medisinsk behandling i barnehage, skule, fritidsordning, heime hos mor, heime hos far, pleieheim o.s.b.
- Vil den medisinske behandlinga krevje stor plass i bustaden – er det plass ? Dette kan t.d. vere ei problemstilling ved igangsetting av heimedialyse, der det for enkelte pasientar kan vere snakk om særs store mengder med væsker og medisinsk forbruksmateriell.
“Geografi” og kommunikasjon:
- Kva type bustad bor pasienten i, om det er lett tilkomst til hus/leilighet ?
- Kor finst bustaden, er den i sentral tettstadområde, eller for seg sjølv (t.d. på øy) ?
- Er det god dekning når det gjeld telekommunikasjon om internett ?